जय राम रमा रमनं समनं। Jay Raam Ramaa Ramanam Shamanam
जय राम राम रमनं समनं । भव ताप भयाकुल पाहि जनम ॥
अवधेस सुरेस रमेस बिभो । सरनागत मागत पाहि प्रभो ॥
दससीस बिनासन बीस भुजा । कृत दूरी महा महि भूरी रुजा ॥
रजनीचर बृंद पतंग रहे । सर पावक तेज प्रचंड दहे ॥
महि मंडल मंडन चारुतरं । धृत सायक चाप निषंग बरं ॥
मद मोह महा ममता रजनी । तम पुंज दिवाकर तेज अनी ॥
मनजात किरात निपात किए । मृग लोग कुभोग सरेन हिए ॥
हति नाथ अनाथनि पाहि हरे । बिषया बन पावँर भूली परे ॥
बहु रोग बियोगन्हि लोग हए । भवदंघ्री निरादर के फल ए ॥
भव सिन्धु अगाध परे नर ते । पद पंकज प्रेम न जे करते ॥
अति दीन मलीन दुखी नितहीं । जिन्ह के पद पंकज प्रीती नहीं ॥
अवलंब भवंत कथा जिन्ह के । प्रिय संत अनंत सदा तिन्ह के ॥
नहीं राग न लोभ न मान मदा । तिन्ह के सम बैभव वा बिपदा ॥
एहि ते तव सेवक होत मुदा । मुनि त्यागत जोग भरोस सदा ॥
करि प्रेम निरंतर नेम लिएँ । पद पंकज सेवत सुद्ध हिएँ ॥
सम मानि निरादर आदरही । सब संत सुखी बिचरंति मही ॥
मुनि मानस पंकज भृंग भजे । रघुबीर महा रंधीर अजे ॥
तव नाम जपामि नमामि हरी । भव रोग महागद मान अरी ॥
गुण सील कृपा परमायतनं । प्रणमामि निरंतर श्रीरमनं ॥
रघुनंद निकंदय द्वंद्वघनं । महिपाल बिलोकय दीन जनं ॥
बार बार बर मागऊँ हरषी देहु श्रीरंग ।
पद सरोज अनपायनी भगति सदा सतसंग ॥
बरनि उमापति राम गुन हरषि गए कैलास ।
तब प्रभु कपिन्ह दिवाए सब बिधि सुखप्रद बास ॥
जय राम रमा रमनं समनं | Jay Raam Ramaa Ramanam Shamanam
Jay Raam ramaa ramanam shamanam , bhav taap bhayaakul paahi janam
Aavadhes sures rames vibho , sharanaagat maangat paahi prabho
Dasasiis vinaasan biis bhujaa , krit duuri mahaa mahi bhuuri rujaa
Rajaniichar brind patang rahe , sar paavak tej prachand dahe
Mahi mandal mandan chaarutaram , dhrit saayak chaap nishang varam.
Mad moh mahaa mamataa rajanii , tam punj divaakar tej anii
Manajaat kiraat nipaat kiye , mrig log kubhog saren hiye
Hati naath anaathani paahi hare , vishhayaa ban paanvar bhuuli pare
Bahu rog biyoginhi log haye . bhavadanghri niraadar ke phal e
Bhav sindhu agaadh pare nar te , pad pankaj prem n je karate
Ati diin maliin duhkhii nitahiin , jinh ken pad pankaj priiti nahiin
Avalamb bhavant kathaa jinh ken , priya sant anant sadaa tinh ken
Nahin raag n lobh n maan madaa , tinh ken sam baibhav vaa bipadaa
Ehi te tav sevak hot mudaa , muni tyaagat jog bharos sadaa
Kari prem nirantar nem liyen , pad pankaj sevat shuddh hiyen
Sam maani niraadar aadarahii , sab sant sukhii bicharanti mahii
Muni maanas pankaj bhring bhaje , raghuviir mahaa ranadhiir aje
Tav naam japaami namaami harii , bhav rog mahaamad maan arii
Gun siil ripaa paramaayatanam , pranamaami nirantar shriiramanam
Raghunand nikanday dvandv ghanam , mahipaal bilokay diin janam
Baar baar bar maagaun harashhi dehu shriirang
Pad saroj anapaayanii bhagati sadaa satasang
Barni umapati ram gun harashhi gaye kailash
Tab prabhu kapinah divae sab bidhi sukhprad baas
No comments:
Post a Comment